آسٹریلیا کے وزیر اعظم سکاٹ موریسن نے کہا کہ بین الاقوامی سرحدیں ، جو مارچ 2020 میں نئی قسم کے کورونا وائرس (کوویڈ 19) کے پھیلاؤ کا سدباب کرنے کے لیے بند کی گئی تھیں ماہ ِ نومبر میں دوبارہ کھل جائیں گی۔
دارالحکومت کینبرا میں منعقدہ ایک پریس کانفرنس میں موریسن نے اعلان کیا کہ جن شہریوں نے کوویڈ 19 ویکسین کی ڈبل خوراک لے لی ہےوہ نومبر میں بیرون ملک سفر کر سکیں گے۔
موریسن نے کہا کہ بین الاقوامی سرحدیں سب سے پہلے نیو ساؤتھ ویلز کے ساتھ کھولی جائینگی جہاں کی آبادی کی ڈبل خوراک ویکسینیشن کی شرح جلد ہی 80 فیصد تک پہنچنے کی توقع ہے۔
موریسن نے کہا کہ ملک لوٹنے والے ڈبل ڈوز کے حامل آسٹریلوی شہری پہلے کی طرح 14 دن کے ہوٹل قرنطینہ کے بجائے 7 دن تک اپنے گھروں میں ہی قرنطینہ میں رہیں گے۔
انہوں نے مزید کہا کہ "ہم نے سرحدیں بند کرکے جانیں بچائی ہیں۔ ہم نے ان کی روزی روٹی کی حفاظت کی ہے اور اب ہمیں مل کر کام کرنا ہوگا تاکہ اس بات کو یقینی بنایا جاسکے کہ آسٹریلوی شہری معمول کی زندگی کو واپس لوٹ سکیں ۔
ویکسین کی دو خوراکیں نہ لگوانے والوں کو 14 دن تک آسڑیلیا آنے پر ہوٹل قرنطینہ میں رہنا ہو گا۔