شمالی مقدونیہ کے وزیر اعظم زوران زائیف نے اپنے عہدے سے مستعفی ہونے کا اعلان کر دیا ہے۔
انہوں نے گزشتہ روز ہونے والے بلدیاتی انتخابات میں اپنی پارٹی کی خراب کارکردگی کی ذمہ داری قبول کرتے ہوئے یہ اعلان کیا ہے۔
واضح رہے کہ زائیف سن 2017 سے شمالی مقدونیہ کے وزیر اعظم رہے ہیں۔ سن2018 ء میں انہوں نے اُس وقت کے یونانی وزیر اعظم الیکسس سیپراس کے ساتھ ہونے والے مذاکرات میں اپنے ملک کے نئے نام "جمہوریہ شمالی مقدونیہ” پر اتفاق کیا تھا اور اس طرح بالآخر سن1991 سے مقدونیہ اور یونان کے بیچ چلے آ رہے تنازعے کا خاتمہ ممکن ہوا تھا۔
