گیم ڈویلپر Activision-Blizzard نے اپنی تازہ ترین گیم "کال آف ڈیوٹی: وینگارڈ میں خون آلودہ قرآنی صفحات کے لیے مسلمان صارفین سے معافی مانگی ہے۔
گیم سیریز کال آف ڈیوٹی کے نئے جاری کردہ ورژن "کال آف ڈیوٹی: وینگارڈ” کے "زومبی” موڈ میں "اسٹالن گراڈ کا نقشہ” قرآن پاک کے صفحات پر مشتمل تھا، جن میں سے کچھ خون سے آلودہ تھے، جوزمین پر بکھرے ہوئے تھے، جس پر مسلمانوں نے رد عمل کا مظاہرہ کیا تھا۔
اس سے قبل کچھ ممالک نے نئے ورژن وینگارڈ کا بائیکاٹ کرنے کی اپیل کی تھی۔
Activision-Blizzard نے گزشتہ روز کال آف ڈیوٹی مشرق وسطی سماجی رابطوں کے پیجز پر معافی نامہ جاری کرتے ہوئے مواد کو "بے حسی ” قرار دیا ہے۔
کمپنی نے دفاع کیا ہے کہ زیر بحث تفصیل غلطی سے شامل کی گئی تھی۔
عربی زبان میں بیان میں لکھا گیا ہے، "یہ کبھی بھی ایسا نہیں ہونا چاہیے تھا جیسا کہ کھیل میں تھا؛ ہم دل کی گہرائیوں سے معذرت خواہ ہیں۔”
نقشے پر قرآن پاک کے صفحات کو بعد میں خالی کاغذوں سے بدل دیا گیا۔
