آرمینیا کی وزارت دفاع کا بیان میں کہنا تھا کہ روس کی ثالثی میں آذربائیجان اورآرمینیا کے درمیان جنگ بندی کا معاہدہ ہوگیا ہے اورسرحد پرصورتحال مستحکم ہے۔
سرحدی جھڑپوں میں آرمینیا کا ایک فوجی ہلاک ہوگیا تھا اوردرجنوں فوجیوں کوآذربائیجان کی فوج نے گرفتارکرلیا تھا۔
روسی وزارت دفاع کے مطابق، یہ جنگ بندی روس کی ثالثی سے گزشتہ شام ساڑھے پانچ بجے عمل میں آئی ہے،
دوسری جانب روسی صدر پوٹِن اور آرمینی وزیراعظم نکول پاشنیان نے آرمینی۔آذری سرحدی کشیدگی پر بات چیت کی۔
کریملن نے اپنے بیان میں کہا کہ فریقین جنگ بندی پر آمادہ ہو گئے ہیں۔
اقوام متحدہ کے سیکریٹری جنرل کے ترجمان فرحان حق نے بھی اس حوالے سے اپنے خدشات ظاہر کیے تھے اور کہا تھا کہ دونوں ملکوں کو آپس میں مکالمت کے ذریعے تمام تنازعات دور کرنے چاہیئے ۔