وفاقی وزیر حماد اظہر نے جیونیوز کے اینکر شاہ زیب خانزادہ کو چیلنج کردیا۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں حماد اظہر نے کہا کہ ایل این جی گیس کے معاملے پر شاہ زیب خانزادہ کو بحث کیلئےچیلنج کرتاہوں۔
حماد اظہر نے اپنے ٹوئٹ میں کہا کہ میرا چیلینج ہےکہ ایک غیر جانبدار اینکر اور آزاد ماہرین کے ہمراہ ایل این جی اور گیس کے معاملے پر مجھ سے مناظرہ کرلیں اور مسلسل روک ٹوک/مداخلت، آواز کے کنٹرول اور ٹیلی پرامپٹر پر پہلے سے تیار شدہ اسکرپٹ پڑھنے کی بجائے عوام کو آزاد بحث سننے اور فیصلہ کرنے کا موقع دیں۔
I would like to challenge Shahzeb Khanzada to debate LNG and Gas issues with me moderated by a neutral anchor and with Independent experts. Let the ppl see the facts without persistent interrupting, volume controls, teleprompters etc.
— Hammad Azhar (@Hammad_Azhar) November 19, 2021
دوسری جانب جیو نیوز نے کہا ہے کہ وفاقی وزیر انرجی حماد اظہر نے جیو نیوز کی جانب سے 5 دفعہ بلائے جانے کے باوجود پروگرام آج شاہزیب خانزادہ میں شرکت نہیں کی۔
جیو نیوز کے مطابق وزیر توانائی حماد اظہر پروگرام آج شاہ زیب خان زادہ کے ساتھ میں سردیوں میں گیس کے بحران پر آنے کا وعدہ کرکے گئے مگر 5 دفعہ بلانے کے باوجود بھی نہیں آئے۔
جیوز نیوز کے مطابق پروگرام کے میزبان شاہ زیب خان زادہ نے حکومتی رپورٹس اور حقائق پر مبنی 5 سوالات اٹھاتے ہوئے کہا کہ نیپرا کی رپورٹ، ایل این جی ٹرمینلز کی کیپیسٹی کے مطابق استعمال نہ کرنے، تاخیر سے ٹینڈر، گیس پائپ لائن اور نئے ٹرمینل پر اب تک کام شروع نہ ہونے کا جواب وزیراعظم وزیر توانائی سے لیں۔