ترکی نے روس کے علاقے کزباس میں کوئلے کی ایک کان میں ہونے والے حادثے میں ہلاکتوں پر تعزیت کا اظہار کیا۔
وزارت خارجہ کی طرف سے جاری کردہ تحریری بیان میں کہا گیا ہے کہ "افسوس کے ساتھ معلوم ہوا ہے کہ روسی فیڈریشن کے علاقے کزباس میں ایک کان میں حادثے کے نتیجے میں کم از کم 52 افراد اپنی جانوں سے ہاتھ دھو بیٹھے اور متعدد زخمی ہوئے۔ ہم روسی عوام کے دکھ و غم میں برابر کے شریک ہیں، اپنی جانیں گنوانے والوں کے خاندانوں اور روسی فیڈریشن کی حکومت کے ساتھ ہمدردی کا اظہار کرتے ہیں، اور زخمیوں کی جلد صحت یابی کی دعا کرتے ہیں۔