کرغزستان میں آج پارلیمانی انتخابات کا انعقاد ہو رہا ہے۔
یہ انتخابات حکومتی سطح پر ایک بڑی تبدیلی کے فقط ایک سال بعد منعقد ہو رہے ہیں۔
خبر کے مطابق،سن 2020 میں کرغزستان ایک بڑے سیاسی بحران کا شکار ہوا تھا، تب حزب اختلاف نے انتخابات میں دو جماعتوں کو جتوانے کے لیے انتظامیہ پردھاندلی کا الزام عائد کیا تھا اور سیاسی بحران کےسبب اُس وقت کے وزیر اعظم اور پارلیمانی اسپیکر مستعفی ہو گئے تھے۔
ملک بھر میں مظاہرے اور بدامنی پھیل گئی تھی۔
رواں سال جنوری میں سدیر ژاپیروف نے بطور صدر منتخب ہو کر منصب سنبھال لیا تھا۔
آج کرغزستان میں ہونےوالے پارلیمانی انتخابات کو موجودہ صدر کی اقتدار پر گرفت کو مزید مضبوط بنانے کی کوشش قرار دیا جا رہا ہے۔
