کراچی (اسٹاف رپورٹر)ویسٹ انڈیز ٹیم 9دسمبر کو پاکستان پہنچے گی۔ اس سلسلے میں ویسٹ انڈیز کے خلاف ٹی ٹوئنٹی اور ون ڈے سیریز کیلیے قومی اسکواڈ کا اعلان کردیا گیا ، شعیب ملک، سرفراز احمد عماد وسیم کو سکواڈ میں شامل نہیں کیا گیا۔ گزشتہ روز سلیکٹرز نے ویسٹ انڈیز کے خلاف ٹی ٹونٹی سیریز کے لئے 15 رکنی جبکہ ون ڈے سیریز کے لئے 17 کھلاڑیوں کا اعلان کیا ہے عبداللہ شفیق بطور ٹریول ریزرو اسکواڈ کے ساتھ رہیں گے۔ 3 ٹی ٹوئنٹی انٹرنیشنل میچز کے لیے اعلان کردہ اسکواڈ کی قیادت بابر اعظم کریں گے۔ دیگر کھلاڑیوں میں نائب کپتان شاداب خان، آصف علی، فخر زمان، حیدر علی اور حارث رؤف شامل ہیں۔ افتخار احمد، خوشدل شاہ، محمد حسنین، محمد نواز، محمد رضوان اور محمد وسیم جونیئر بھی قومی ٹی ٹوئنٹی اسکواڈ میں شامل۔ شاہین شاہ آفریدی، شاہنواز دھانی اور عثمان قادر بھی اسکواڈ کا حصہ ہیں۔
