جکارتہ: انڈونیشیا میں آتش فشاں پھٹنے سے دہکتے ہوئے لاوے نے رہائشی علاقے میں داخل ہو کر بڑے پیمانے پر تباہی مچادی جس میں 13 افراد ہلاک اور 98 زخمی ہوگئے۔
عالمی خبر رساں ادارے کے مطابق انڈونیشیا کے ماؤنٹ سمیرو کا آتش فشاں پھٹ گیا جس سے نکلنے والے ہزاروں فٹ بلند دھوئیں نے سورج کو ڈھانپ لیا اور دن تاریکی میں ڈوب گیا۔
آتش فشاں کے لاوے نے بڑے پیمانے پر تباہی مچائی، امدادی کاموں کے دوران اب تک لاوے کی راکھ سے 13 لاشیں برآمد کی گئی ہیں اور 98 افراد زخمی ہیں جب کہ 908 دیہاتیوں کو محفوظ مقام پر منتقل کیا گیا ہے۔
زخمیوں میں دو حاملہ خاتون بھی شامل ہیں جن کی حالت تشویشناک ہے۔ زخمیوں کو اسپتال منتقل کردیا گیا ہے جن میں لاوے سے بری جھلس جانے والے افراد بھی شامل ہیں۔
16.50
BPBD Provinsi Jatim dan BPBD Lumajang telah menuju lokasi untuk melakukan assesment dan evakuasi warga di sekitar Gunung Semeru. Silahkan mention jika ada yang dilokasi@PRB_BNPB pic.twitter.com/DYj8qIW23u— jogjaupdate.com (@JogjaUpdate) December 4, 2021
زخمیوں میں 10 سے زائد کی حالت نازک ہونے کے سبب ہلاکتوں میں اضافے کا خدشہ ہے جب کہ امدادی کاموں کے دوران بھی لاشیں ملنے کا سلسلہ جاری ہے۔
منبع: ایکسپریس نیوز
The post انڈونیشیا: آتش فشاں پھٹنے سے بڑے پیمانے پر تباہی، 13 افراد ہلاک appeared first on شفقنا اردو نیوز.