کراچی (اسٹاف رپورٹر) حقوق انسانیت سوشل ویلفیئر آرگنائزیشن نے حکومت سندھ کے محکمے اسپورٹس یوتھ افیئرز کے تعاون سے لیاری میں محمد فیاض فٹبال گرائونڈ چاکیواڑہ میں فٹبال سے شغف رکھنے والے بچوں کے لیے مفت فٹبال بیسک کوچنگ کیمپ کا انعقاد کیا جس میں 100سے زائد گلی محلوں میں فٹبال کھیلنے والے بچوں نے شرکت کی۔ یہ کیمپ 2ہفتوں تک جاری رہا، اس دوران ٹرینرز نے خوب محنت اور تن دہی سے بچوں کی صلاحیتوں کا اجاگر کرنے میں اپنا کردار ادا کیا۔