لاہور: مسلم لیگ (ن)کے صدر شہباز شریف نے کہا ہے کہ پہلے اتنی قیامت خیز مہنگائی نہیں ہوئی جو اب ہے،پی ٹی آئی نے ہر گھر کو تباہ حال کردیا ہے، اس حکومت نے لوگوں کا جینا حرام کردیا ہے۔
میڈیا سے گفتگو کرتے ہوئےشہباز شریف نے کہا کہ لوگ آسمان کی طرف ہاتھ اٹھا، اٹھا کر انہیں بدعائیں دے رہے ہیں، لوگ ایک وقت کی روٹی کو ترس رہے ہیں، ادویا ت کی قیمتیں آسمان سے باتیں کررہی ہیں۔
رہنما ن لیگ کا کہنا تھا کہ بچوں کے دودھ کی قیمتیں بھی آسمان سے باتیں کررہی ہیں، پوری قوم ایسی صورتحال میں ہے جس سے خوف آتا ہے، موجودہ حکومت نے لوگوں کا جینا محال کردیا ہے۔