مالی کی بڑی سیاسی جماعتوں کے اتحاد نے ملکی فوج کا وہ منصوبہ مسترد کر دیا ہے، جس کے مطابق ملک میں پانچ سال کے اندر اندر جمہوریت بحال کر دی جائے گی۔
ان دس سیاسی جماعتوں کے مطابق، فوج کی طرف سے پانچ سال میں جمہوریت کی بحالی کا منصوبہ اپنی طوالت کے باعث نامناسب اور ناقابل قبول ہے۔
واضح رہے کہ فوجی حکام نے یہ منصوبہ گزشتہ ہفتے کے روز مغربی افریقی ممالک کے بلاک ایکوواس کی قیادت کو پیش کیا تھا۔
اس منصوبے پر بحث کے لیے ایکوواس کی رکن ریاستوں کا ایک اجلاس اتوار نو جنوری کو ہو گا۔
