اسلام آباد:پاک فضائیہ کے طیاروں نے 13 پروازوں کے ذریعے بلوچستان کے سیلاب سے متاثرہ علاقوں میں امدادی سامان اور خوراک کی ترسیل کی۔
ترجمان پاک فضائیہ کے مطابق پاک فضائیہ کے C-130 طیاروں نے 131,887 پاؤنڈ سے زائد امدادی سامان جس میں راشن ، پینے کا پانی، ادویات، کمبل اور خیمے شامل ہیں ا?فت زدہ علاقے میں پہنچایا۔
پسنی میں پی اے ایف ڈاکٹرز اور پیرامیڈیکل اسٹاف کے زیر نگرانی پی اے ایف میڈیکل کیمپ پہلے ہی سیلاب سے متاثرہ افراد کو چوبیس گھنٹے طبی سہولیات فراہم کر رہا ہے۔ مزید برآں، پی اے ایف ہیلی کاپٹرز سیلاب سے متاثرہ علاقوں میں امدادی کارروائیوں میں بڑھ چڑھ کر حصہ لے رہے ہیں۔