کراچی (اے پی پی)پی سی بی ونٹر انٹر کلب کرکٹ چمپئن شپ میں ابو ریحان کرکٹ کلب کراچی زون ایک نے مارخور کرکٹ کلب زون ایک کو بآسانی 6 وکٹوں سے شکست دے کر کوارٹر فائنل کیلیے کوالیفائی کرلیا۔ مارخور کرکٹ کلب نے پہلے بیٹنگ کرتے ہوئے 39 اوورز میں تمام وکٹوں پر 199 رنز بنائے۔ جہانزیب خان نے 57 اور فہد قدیر نے 47 رنز اسکورکیے۔ رئیس احمد اور حمزہ سلیم نے2،2 جبکہ کامران اقبال، اختر منیر، محمد حماد اور عمیر نے ایک ایک کھلاڑی کو آئوٹ کیا۔ جواب میں ابوریحان کرکٹ کلب نے 25 اوورز میں 4 وکٹوں کے نقصان پر مطلوبہ اسکور پورا کرلیا۔