کوئٹہ: بلوچستان کے ضلع بولان میں ریلوے ٹریک کے قریب دھماکا ہوا ہے، جس کے نتیجے میں متعدد افراد کے زخمی ہونے کی اطلاعات ہیں۔
میڈیا رپورٹس کے مطابق بولان میں مشکاف کے مقام پر ریلوے لائن پر بارودی مواد کا دھماکا ہوا، جس کے نتیجے میں جعفر ایکسپریس کی 3 بوگیاں پٹری سے اترگئیں۔
ریلوے حکام کا کہنا ہے کہ دھماکا اس وقت ہوا جب جعفر ایکسپریس کوئٹہ سے راولپنڈی جارہی تھی۔ بوگیاں اترنے سے متعدد مسافروں کے زخمی ہونے کی اطلاعات ہیں، دھماکے کی اطلاع ملتے ہی ریلوے انتظامیہ اور ریسکیو ٹیمیں جائے حادثہ پر روانہ ہوگئیں ہیں۔