واشنگٹن: فائیو جی ٹیکنالوجی کے استمعال کےم عاملے پر متعدد انٹرنیشنل ائیر لائنز نے امریکا کے لیے فلائٹ آپریشن معطل کرنے کی دھمکی دیدی ہے۔
متحدہ عرب امارات، بھارت اور دو جاپانی ائیر لائنز نے فائیو جی ٹیکنالوجی کے حوالے سے تحفظات دور نہ ہونے کی صورت میں آج سے امریکا کے لیے سروسز روکنے کا اعلان کیا ہے، جبکہ امریکی ائیرلائنز نے بھی اس پر تحفظات کا اظہار کیا تھا۔
ایمریٹس ائیر لائنز کا کہنا ہے کہ وہ طیارہ ساز کمپنیوں اور متعلقہ حکام سے فائیو جی ٹیکنالوجی کے معاملے پر رابطے میں ہیں۔
خیال رہے کہ متعدد انٹرنیشنل ائیر لائنز کو فائیو جی ٹیکنالوجی سے آراستہ موبائل فونز کی ائیرلائنز کی ٹیکنالوجی میں مداخلت پر خدشات ہیں۔