واشنگٹن (انٹرنیشنل ڈیسک) امریکامیں ہوائی اڈوں کے قریب 5جی ٹیکنالوجی کے آلات کی تنصیب پر ائر لائنوں کے اعتراض کے بعد بعض مقامات پر کام روک دیا گیا ۔ ٹیلی کام کمپنیوں اے ٹی اینڈ ٹی اور ویرائزن نے امریکامیں کئی اہم ہوائی اڈوں پر نئی وائرلیس سروس فائیو جی کے استعمال کو عارضی طور پر مؤخر کیا ہے۔ امریکی کی بڑی فضائی کمپنیوں نے اعتراض کیا تھا کہ 5جی سروس کئی طیاروں کی ٹیکنالوجی پر اثر انداز ہو سکتی ہے ، جس کی وجہٹیکنالوجی سے طیاروں کا مواصلاتی نظام متاثر ہونے کا خدشہ ہے۔ امریکن، ڈیلٹا، یونائیٹڈ اور ساؤتھ ویسٹ سمیت 10 بڑی ایئر لائنوں کا کہنا ہے کہ فائیو جی ان کی سروسز میں بتائے گئے اندازے سے زیادہ خلل ڈال رہی ہے۔