نواب شاہ (نمائندہ جسارت) ایڈیشنل ڈپٹی کمشنر ون شہید بینظیر آباد سونیا کلیم نے کہا ہے کہ کورونا وائرس کی 5 ویں نئی لہر کو مد نظر رکھتے ہوئے حکومت کی جانب سے جاری کورونا ایس او پیز پر سختی سے عملدرآمد کو یقینی بنایا جائے تاکہ ضلع بھر کی عوام کو کورونا کی موجودہ لہر سے بچایا جا سکے۔ ان خیالات کا اظہار انہوں نے دربار ہال میں کورونا ایس او پیز پر عملدرآمد کے سلسلے میں منعقدہ اجلاس کی صدارت کرتے ہوئے کیا۔