برسلز (انٹرنیشنل ڈیسک) بلجیم کے دارالحکومت برسلز میں کورونا پابندیوں پر مشتعل 50 ہزار مظاہرین نے حکومت کے خلاف سخت احتجاج کیا۔ ذرائع ابلاغ کے مطابق شہریوں نے احتجاج کے دوران کئی عمارتوں کے شیشے توڑدیے۔ ادھر پولیس نے مظاہرین پرآنسوگیس کی شیلنگ کی اور پانی کی توپوں کااستعمال بھی کیا گیا۔اس دوران 70افراد کو گرفتار کیا گیا۔ مظاہرین نے ہاتھوں میں بلجیم کے وزیر اعظم الیگزینڈر ڈی کے خلاف نعروں والے بینرز اٹھا رکھے تھے۔واضح رہے کہ یورپ اور امریکا میں اومیکرون کی بدترین صورتحال ہے۔