اسلام آباد اور ملک کے دیگر حصوں میں زلزلے کے جھٹکے محسوس کیے گئے، محکمہ موسمیات کا کہنا ہے کہ ہندو کش میں ریکٹل اسکیل پر زلزلے کی شدت 5.9 ریکارڈ کی گئی۔
محکمہ موسمیات کے مطابق زلزلے کے جھٹکے 9 بج کر 16 منٹ پر محسوس کیے گئے اور اس کا مرکز افغانستان تھا۔
انہوں نے کہا کہ زلزلے کی گہرائی 210 کلو میٹر تھی، اس کا طول البلد 71.10 شرقی اور عرض البلد 35.63 شمال میں تھا۔
زلزلے کے جھٹکے وفاقی دارالحکومت اور اس سے قریبی شہروں راولپنڈی، ٹیکسلا، سرگودہ، چینیوٹ، اور حافظ آباد میں محسوس کیے گئے۔
ادھر خیبر پختونخوا کے شہر پشاور، چار سدہ، سوات، مردان، سمیت گلگت بلتستان اور آزاد جموں کشمیر میں بھی زلزلے کے جھٹکے محسوس کیے گئے ہیں۔
زلزلے کے باعث کوئی جانی یا مالی نقصان کی خبر موصول نہیں ہوئی۔
بھارتی میڈیا کے مطابق پڑوسی ملک میں بھی زلزلے کے جھٹکے محسوس کیے گئے ہیں۔
14 جنوری کو اسلام آباد اور ملک کے شمالی علاقوں میں زلزلے کے جھٹکے محسوس کیے گئے تھے، ریکٹل اسکیل پر اس کی شدت 5.6 تھی۔
گزشتہ ماہ یکم جنوری کو بھی پاکستان کے شمالی علاقوں میں زلزلے کے جھٹکے محسوس کیے گئے تھے ریکٹل اسکیل پر اس کی شدت 5.3 ریکارڈ کی گئی تھی۔
منبع: ڈان نیوز
The post اسلام آباد سمیت ملک کے مختلف شہروں میں زلزلے کے جھٹکے appeared first on شفقنا اردو نیوز.