ترجمان پنجاب پولیس کا کہنا ہے کہ کالج سے واپسی پر طالبہ سے نامعلوم موٹر سائیکل سوار ملزم نے دست درازی کی اور پرس چھیننے کی کوشش کی۔یہ واقعہ جلالپور جٹاں کے علاقہ میں پیش آیا ہے۔
جلالپور جٹاں میں طالبہ سے پرس چھیننے کی واردات۔۔ واقعہ کی سی سی ٹی وی منظرِ عام پر آئی تو ڈی پی او گجرات عمر سلامت نے واقعہ کا نوٹس لے لیا۔۔ مزید جانیے۔۔سماء کے نمائندے ذوالفقار حیدر سے۔۔۔@OfficialDPRPP @rpogujranwala @SAMAATV pic.twitter.com/maEDLluqe6
— Gujrat Police Pakistan (@Gujrat_Police) February 26, 2022
ویڈیو میں دیکھا جا سکتا ہے کہ باہمت طالبہ نے ملزم کو روکنے کی کوشش کرتے ہوئے اسے موٹر سائیکل سے گرا دیا۔ جس کے بعد ملزم موقع سے فرار ہو گیا۔طالبہ نے پولیس کو واقعے کی فوری اطلاع دی۔
@SHABAZGIL @OfficialDPRPP pic.twitter.com/qLq9UEj4mL
— Chaudhry Wasim (@Wasimarif9211) February 25, 2022
پولیس نے موقع پر پہنچتے ہی ناکہ بندی کرکے چند گھنٹوں میں ملزم کو ٹریس کیا اور گرفتار کرلیا۔
گجرات پولیس نے واقعہ کی اطلاع ملتے ہی جلالپور جٹاں میں کالج سے واپس آتی طالبہ کے ساتھ دست درازی اور پرس چھیننے کی کوشش کرنیوالے ملزم کو چند گھنٹوں میں گرفتار کر لیا۔طالبہ نے ہمت دکھائی، ایسے واقعات میں پولیس کو بروقت اطلاع کریں اور وومن سیفٹی ایپ کا استعمال کریں۔@Gujrat_Police https://t.co/VngGeDczkQ pic.twitter.com/U79InUEAH2
— Punjab Police Official (@OfficialDPRPP) February 26, 2022
پنجاب پولیس کے ترجمان کا کہنا ہے کہ ملزم کو قرار واقعی سزا دلوائی جائے گی۔انہوں نے شہریوں سے گزارش کی کہ ایسے واقعات کی فوری 15 پر اطلاع دیا کریں اور طالبات وومن سیفٹی ایپ کا استعمال لازمی کریں۔
