فرانس میں نئے ملکی صدر کے انتخاب کے لیے پہلے مرحلے کی رائے دہی میں آج ووٹ ڈالے جا رہے ہیں۔
موجودہ صدر ایمانویل ماکروں دوسری مدت کے لیے اپنے انتخاب کے خواہش مند ہیں تاہم انہیں سخت مقابلے کا سامنا ہے۔
ان کی مرکزی حریف انتہائی دائیں بازو کی خاتون سیاست دان مارین لے پین ہیں، جن کی مقبولت میں گزشتہ چند ہفتوں کے دوران کافی اضافہ ہوا ہے۔
لے پین افراط زر اور تارکین وطن کی آمد جیسے موضوعات پر انتہائی سخت سوچ کی حامل ہیں۔
آج کی رائے دہی کے نتیجے میں کسی بھی امیدوار کو واضح اکثریت حاصل نہ ہونے کی صورت میں سب سے زیادہ ووٹ حاصل کرنے والے پہلے دو امیدواروں کے مابین دوسرے مرحلے کی رائے دہی چوبیس اپریل کو ہو گی۔