یورپی یونین نے مالی میں کرائے کے روسی فوجیوں اور ملک کی حکمران جنتا کے درمیان روابط کی وجہ سے وہاں جاری کچھ مشن ختم کرنے کا اعلان کیا ہے تاہم، یورپی یونین نے کہا ہے کہ وہ اس خطے میں امن کے لیے پرعزم ہے۔
برسلز کے اس اعلان نے خطے میں یورپی یونین اور اقوام متحدہ کے امن مشن کے مستقبل پر مزید شکوک پیدا کر دیے ہیں۔
یورپی یونین کے خارجہ امور کے سربراہ جوزف بوریل نے کہا کہ اگرچہ کچھ تربیتی کارروائیاں ختم ہو جائیں گی تاہم، یورپی یونین کی شمولیت جاری رہے گی۔
واضح رہے کہ مالی حکومت نے اسلام پسند جنگجوؤں سے لڑنے کے لیے متعدد ممالک کے کرائے کے فوجیوں کو ملک میں تعینات کر رکھا ہے۔