فلپائن میں سمندری طوفان میگی کے باعث سیلاب اور مٹی کے تودے گرنے سے ہلاک شدگان کی تعداد 172 ہو چکی ہے۔
انکوائرر نیوز کے مطابق، یہ سمندری طوفان میگی دس اپریل کو فلپائن سے ٹکرایا تھا جس کی وجہ سے بالخصوص جزائر ویسایاس کافی متاثر ہوئے تھے۔
مشرقی ویسایاس میں 156 مغربی ویسایاس میں گیارہ ،ڈاواو میں تین جبکہ مرکزی ویسایاس میں دو افراد سیلاب کی نذر جبکہ آٹھ زخمی ہو گئے۔
اس تباہی کی وجہ سے 110 افراد بھی لا پتہ ہیں جن کی تلاش جاری ہے۔
بتایا گیا ہے کہ امدادی ٹیموں میں 300 رضا کار شامل ہیں جو کہ بلا تعطل کام جاری رکھے ہوئے ہیں۔
وزارت زراعت کا کہنا ہے کہ اس تباہی کی وجہ سے مالی نقصان کا تخمینہ 703 ملین پیسو یعنی 13 ٘ملین سات لاکھ ڈالر کے برابر ہے ۔
