لاہور: پاکستان تحریک انصاف کے رہنما ڈاکٹر شہباز گل کی گاڑی کو موٹروے پر خوفناک حادثہ پیش آیا ہے، جس کے نتیجے میں وہ زخمی ہوگئے۔
میڈیا رپورٹس کے مطابق شہباز گل کی گاڑی کو حادثہ لاہور سے اسلام آباد جاتے ہوئے موٹروے پر خانقاہ ڈوگرا کے قریب پیش آیا، شہباز گل کی گاڑی کو پیچھے سے آنے والی کار نے ٹکر ماری، جس کے نتیجے میں ان کی گاڑی الٹ گئی۔ گاڑی الٹنے کے باعث شہباز گل زخمی ہوگئے۔
حادثے کے فوری بعد موٹر وے پولیس کے حکام موقع پر پہنچ گئے اور زخمی شہباز گل کو ہسپتال منتقل کیا جارہا ہے۔
شہباز گل کی گاڑی کو موٹر وے پر خوفناک حادثہ، پیچھے سے آنے والی گاڑی کی ٹکر سے شہباز گل زخمی، شہباز گل لاہور سے اسلام آباد روانہ ہوئے تھے! pic.twitter.com/1ma1lxQDUt
— Abdul Qadir (@AbdulqadirARY) May 5, 2022
