اسلام آباد(جسارت نیوز)رشید عالم فاروقی نے گلگت بلتستان صوبائی انڈر 19 کرکٹ ٹیم کے اعزاز میں عشائیہ دیا اس موقع پر نوجوان راہنما زین العابدین اور پی سی بی گلگت بلتستان کے ہیڈ کوچ اسد سمائری بھی موجود تھے۔ اس موقع پر رشید عالم فاروقی نے کھلاڑیوں کو بہترین کارکردگی پر شاندار الفاظ میں خراج تحسین پیش کرتے ہوئے کہا کہ مارخورز ا اسپورٹس جی بی گورنمنٹ اور پاکستان کرکٹ بورڈ کے تعاون سے بہت جلد گلگت بلتستان سپر لیگ کا انعقاد کریں گی جس کے ذریعے جی بی میں کھیلوں اور سیاحت کو بھرپور پزیرائی ملے گی۔
