لاہور(صباح نیوز) تحریک انصاف کے رہنما فیاض الحسن چوہان نے کہا ہے کہ عزت اور ذلت کے فیصلے زمینوں پر نہیں آسمانوں میں ہوتے ہیں۔سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں پی ٹی آئی رہنما فیاض الحسن چوہان نے لکھا کہ توشہ خانہ سے لے کرملک ریاض خانہ تک بیرونی طاقتوں کے چیلے چاٹے اورانجمن غلامان امریکہ بغض عمران خان کی زنبیل سے عیاری اور مکاری کا جو ڈھکوسلہ نکالیں گے وہ ناکامی کی کالک کی صورت میں ان کے مکروہ چہروں پر سج جائے گا۔ انہوں نے کہا عزت اور ذلت کے فیصلے زمینوں پر نہیں آسمانوں میں ہوتے ہیں۔