اسلام آباد: وزیر مملکت برائے خزانہ عائشہ غوث پاشا نے کہا ہے کہ ملکی ترقی کیلئے شرح منافع پر ٹیکس لگانا ہوگا۔
عائشہ غوث پاشا کا تقریب سے خطاب کرتے ہوئے کہنا تھا کہ ہمیں حالات کی نزاکت کو سمجھنا ہوگا، حالات کی نزاکت کو سمجھیں گے تب ہی ان کا مقابلہ کر سکیں گے۔ قائد اعظم نے ہمیشہ قومی اتحاد کی بات کی، انہوں نے قومیت کی بجائے پاکستانیت کی بات کی،
ان کا کہنا تھا کہ معاشی لحاظ سے یہ صورتحال پریشان کن ہے۔ پاکستان آئی ایم ایف پروگرام میں ہے، ملک آئی ایم ایف کے پاس تب جاتا ہے جب اس کے پاس پیسے نہ ہوں، زرمبادلہ کے ذخائر کم ہیں، تجارتی خسارہ بہت زیادہ ہے۔