امریکہ کی ریاست کیلیفورنیا میں شدید بارشوں اور طوفان کی وجہ سے 14 افراد ہلاک ہو گئے ہیں۔
حکام نے بعض علاقوں سے شہریوں کے انخلاء کے فیصلے کا اعلان کیا ہے۔
روزنامہ لاس اینجلس ٹائمز کے مطابق حکام نے کارپنٹیریا کے علاقے مونٹے سیٹو، ٹورو وادی، سائیکامور وادی اور پیڈرو لین کے رہائشیوں کو فوری طور پر مذکورہ علاقے ترک کرنے کا حکم دے دیا ہے۔
علاقے میں مقیم شہریوں سے بلند مقامات کی طرف جانے کی اپیل کی گئی اور سانٹا باربارا میں انخلاء مرکز قائم کر دیا گیا ہے۔
قومی محکمہ موسمیات کے جاری کردہ بیان کے مطابق آج بھی خاص طور جنوبی کیلیفورنیا میں طوفان اور طوفانی بارشیں جاری رہنے کی توقع ہے۔
واضح رہے کہ صدر جو بائڈن نے 8 جنوری کو ،طوفان، بادی جھکڑوں اور بارش کی وجہ سے، ہنگامی حالات کے اعلان کی منظوری دے دی تھی۔
