ترکیہ کے وزیر خارجہ میولود چاوش اولو اقتصادی تعاون تنظیم کی وزراء کونسل کے 26 ویں اجلاس میں شرکت کے لئے ازبکستان کے دورے پر ہیں۔
ازبکستان میں اپنی مصروفیات کے دائرہ کار میں انہوں نے پاکستان کے وزیر خارجہ بلاول بھٹو زرداری کے ساتھ ملاقات کی۔
مذاکرات کے بارے میں سوشل میڈیا سے جاری کردہ بیان میں وزیر خارجہ چاوش اولو نے کہا ہے کہ "تاشقند میں سب سے پہلے ہم نے پاکستان کے وزیر خارجہ برادرم ‘زرداری’ کے ساتھ ملاقات کی ۔ ہمارا مذاکراتی ایجنڈہ اقتصادیات، دفاعی تعاون اور علاقائی حالات و واقعات پر مبنی تھا”۔
