صدر رجب طیب ایردوان نے وزیر اعظم پاکستان شہباز شریف سے ملاقات کی ہے۔
اطلاعاتی امور کے ڈائریکٹر کے مطابق؛ گزشتہ روز دارالحکومت انقرہ کے صدارتی کمپلیکس میں ہونے والی ملاقات میں پاکستانی وزیر اعظم شریف نے 6 فروری کو آنے والے اور 11 صوبوں کو بُری طرح متاثر کرنے والے زلزلے میں جان بحق افراد کے لیے مغفرت اور زخمی کے لیے جلد صحتیاب ہونے کی دعا کی ہے۔
دونوں رہنماوں کے درمیان ہونے والی ملاقات کی پریس کو کوریج کی اجازت نہیں دی گئی۔
دریں اثنا فلسطینی صدر محمود عباس، انڈونیشیا کے صدر جوکو ویدوڈو، وینزویلا کے صدر نکولس مادورو اور ہسپانوی وزیر اعظم پیڈرو سانچیز نے بھی صدر ایردوان کو فون کر کے زلزلے میں جاں بحق ہونے والوں کے لیے تعزیت کا اظہار کیا اور زخمیوں کی صحت یابی کی دعا کی۔
ملاقات اور ٹیلی فونک رابطے پر ان رہنماؤں نے ترکیہ کی حمایت اور ترک عوام کے ساتھ یکجہتی کا اظہار کیا ہے ۔