شمالی کوریا نے ایک فوجی مشقوں کے دائرہ کار میں 4 اسٹریٹجک کرُوز میزائلوں کے کامیاب تجربے کا اعلان کیا ہے۔
اطلاع کے مطابق شمالی کوریا نے کل کِمچاک شہر میں ایک فوجی مشقوں کے دوران بحیرہ جاپان کی سمت میں 4 عدد "Hwasal-2” اسٹریٹجک کروز میزائل فائر کئے ہیں۔
میزائلوں نے پہلے سے طے شدہ ہدف کو کامیابی سے نشانہ بنایا ہے اور اس طرح اسٹریٹجک کروز میزائل یونٹ کی آپریشنل صلاحیت کی تصدیق ہو گئی ہے۔
واضح رہے کہ شمالی کوریا اقوام متحدہ کی سلامتی کونسل کے فیصلوں اور بین الاقوامی پابندیوں کے باوجود جوہری اسلحے اور میزائل کی تیاری کا کام جاری رکھے ہوئے ہے۔ اوپر تلے بیلسٹک میزائلوں کی پیداوار اور تجربات کے بعد اب کروز میزائل تجربے نے کوریا جزیرہ نما اور اس کے اطراف میں سکیورٹی خدشات میں اضافہ کر دیا ہے۔
شمالی کوریا نے گذشتہ سال 37 میزائل تجربے کئے اور رواں سال کے آغاز سے اب تک 3 مزید تجربے کر چُکا ہے۔
پیانگ یانگ انتظامیہ کے میزائل تجربات علاقائی تناو میں اضافے اور امریکہ، جنوبی کوریا اور جاپان سمیت بین الاقوامی ردعمل کا سبب بن رہے ہیں۔
