طالبان کی عبوری حکومت کے نائب وزیر خارجہ امیرحان متقی نے یورپی یونین (EU) کے ممالک سے افغانستان میں اپنے سفارت خانے دوبارہ کھولنے کی اپیل کی ہے۔
متقی نے افغانستان کے لیے یورپی یونین کے خصوصی نمائندے ٹامس نکلسن اور ان کے وفد سے جنوبی افغانستان کے صوبے قندھار میں ملاقات کی ہے۔
طالبان کی عبوری حکومت کی وزارت خارجہ کے نائب ترجمان حافظ ضیاء احمد نے اپنے ذاتی ٹوئٹر اکاؤنٹ پر ملاقات سے متعلق معلومات فراہم کی ہیں۔
انہوں نے کہا کہ متقی نے افغانستان اور یورپی یونین کے ممالک کے درمیان سفارتی تعلقات کو بہتر بنانے کے لیے ضروری اقدامات کیے جانے اور یورپی یونین کے ممالک کو کابل میں اپنے سفارت خانے دوبارہ کھولنے کی اپیل کی ہے۔
انہوں نے کہا کہ متقی نے افغانستان کو فراہم کی جانے والی انسانی امداد کے لیے یورپی یونین کا شکریہ ادا کیا ہے ۔
طالبان عہدیدار کی جانب سے دی گئی معلومات کے مطابق یورپی یونین کے خصوصی نمائندے نکلسن نے کہا کہ طالبان کے اقتدار میں آنے کے بعد افغانستان میں سیکیورٹی کو یقینی بنایا گیا اور بدعنوانی کے خلاف جنگ میں سنجیدہ اقدامات کیے گئے ہیں ۔
نکلسن نے کہا کہ یورپی یونین افغانستان کے لیے انسانی امداد جاری رکھے گی۔
یورپی یونین کے ممالک نے 15 اگست 2021 کو افغانستان میں طالبان کے قبضے کے بعد اپنے سفارت خانے بند کر دیے تھے۔
