اسلام آباد: وفاقی وزیر اطلاعات و نشریات مریم اورنگزیب نے عمران خان کے بیان پر ردعمل دیتے ہوئے کہا ہے کہ رو، چیخو یا پٹو، تم سے کوئی سمجھوتہ کرنے کونہیں ہے۔
عمران خان کے بیان پر ردعمل دیتے ہوئے مریم اورنگزیب نے سوال کیا کہ تم آرمی چیف سے کیوں ملنا چاہتے ہو ؟ جنہوں نے رجیم ہٹائی، امپورٹڈ حکومت بنائی، تم پر حملہ کروایا تم سب سے سمجھوتہ کرنے کو تیار ہو۔
مزید پڑھیں: میں سب سے بات اور سمجھوتہ کرنے کو تیار ہوں، عمران خان
انہوں نے کہا کہ جنہیں “میرجعفر،میر صادق” کہا، سب کو معاف کرنے کو تیار ہو؟ مگر گھڑی چور فارن ایجنٹ سے کوئی سمجھوتہ نہیں کرنا چاہتا۔
مریم اورنگزیب نے کہا کہ یہ سمجھوتہ نہیں این آر او کا منتیں ہیں، سمجھوتے کی بات اس لئے کیونکہ ہیروں, 190 ملین پاؤنڈ کے بند لفافے، القادر ٹرسٹ کی ٹرسٹی کو جواب نہ دینا پڑے۔؟
