پیرو کو اپنے زیر اثر لینے والی برد فلو کی وبا سے پرندوں سمیت ہزاروں کی تعداد میں سمندری شیر بھی تلف ہو گئے ہیں۔
سی این این کی رپورٹ کے مطابق پیرو میں اسٹیٹ پروٹیکٹڈ نیشنل ایریاز سروس (SERNANP) نے اعلان کیا ہےکہ برڈ فلو، جسے H5N1 بھی کہا جاتا ہے، ملک میں بڑی تعداد میں جانوروں میں پھیل چکا ہے۔
پرندوں میں وبا کا پہلا کیس سامنے آنے والے نومبر 2022 کے آخر سے 63 ہزار پرندے تلف ہو چکے ہیں، یہ اموات دیگر جانوروں میں بھی پیش آرہی ہیں۔
حکام نے اب تک پیرو کے 3,487 سمندری شیروں کی شناخت کی ہے جو پیرو کے ساحل پر برڈ فلو کی وجہ سے مر چکے ہیں، یا ان کی نسل کا 3 فیصد ہے۔ اس کے علاوہ برڈ فلو سے 5 فر سیلیں بھی تلف ہوئی ہیں۔
برڈ فلو امریکہ میں بھی بہت سے پرندوں اور میملز کی موت کا سبب بنتا ہے۔
2022 کے آخر سے، سائنسدانوں نے امریکہ میں بطخ، گل، گیز، ہاکس اور اللو سمیت 100 سے زیادہ جنگلی پرندوں میں ایویئن انفلوئنزا وائرس کے کیسز رپورٹ کیے ہیں۔ امریکہ میں برڈ فلو کے کیسز ریچھ، لومڑی، لنکس، ریکون اور ڈالفن جیسے ستنداریوں میں بھی رپورٹ ہوئے۔