صدر رجب طیب ایردوان نے ایرانی صدر ابراہیم رئیسی سے فون پر بات چیت کی۔
صدارتی محکمہ اطلاعات کی جانب سے جاری کردہ بیان کے مطابق بات چیت کے دوران ترکیہ ایران تعلقات اور مسجد الاقصی پر اسرائیل کے حملوں سمیت علاقائی پیش رفت پر تبادلہ خیال کیا گیا۔
گفتگو کے دوران صدر ایردوان نے فلسطین میں اسرائیل کے بڑھتے ہوئے غیر انسانی حملوں بالخصوص مسجد الاقصیٰ کے خلاف عالم اسلام کو متحد کرنے کی اہمیت پر زور دیا۔
اس بات پر زور دیتے ہوئے کہ تشدد کے نئے سرپل کو روکنے کے لیے عقل کو غالب ہونا چاہیے، ایردوان نے کہا کہ تمام فریقین کو عقل سلیم سے اقدامات کرنا فائدہ مند ہوگا۔
اسلامی تعاون تنظیم اور اقوام متحدہ سمیت بین الاقوامی پلیٹ فارمز پر مقدس مقامات کی حیثیت کو برقرار رکھنے کے لیے کوششیں جاری رکھنے کا مطالبہ کرتے ہوئے صدر ایردوان نے کہا کہ یہ موقف یورپ کے مختلف شہروں میں بالخصوص ترک سفارت خانوں کے سامنےقرآن کریم کو شہید کرنے والی کاروائیوں کے خلاف بھی اپنانا چاہیے۔