اسلام آباد: سپریم کورٹ بل واپس بھیجنے پر وزیر اعظم شہباز شریف نے صدر مملکت ڈاکٹر عارف علوی کو شدید تنقید کا نشانہ بنایا ہے۔
سجاجی روابط کی ویب سائٹ ٹویٹر پر وزیر اعظم شہباز شریف نے کہا کہ صدرمملکت کے عمل نے ثابت کردیا کہ وہ پی ٹی آئی کے کارکن کےطور پر کام کررہے ہیں۔
وزیر اعظم کا مزید کہنا تھا کہ ڈاکٹر عارف علوی عمران نیازی کے لیے آئینی ذمہ داریوں کو نظر انداز کررہے ہیں اور اس کے بعد سپریم کورٹ بل بھی واپس بھیج دینا افسوسناک بات ہے۔
President Alvi returning the Supreme Court Bill duly passed by Parliament is most unfortunate. Through his conduct, he has belittled the august Office by acting as a worker of the PTI, one who is beholden to Imran Niazi more than the Constitution demands of his Office.
— Shehbaz Sharif (@CMShehbaz) April 8, 2023
شہباز شریف نے کہا کہ صدر کا پارلیمنٹ سے منظور شدہ سپریم کورٹ بل کو واپس کرنا انتہائی افسوس ناک ہے۔ اپنے طرز عمل سے انہوں نے پی ٹی آئی کے ایک کارکن کے طور پر کام کرتے ہوئے عہدہ صدارت کی توہین کی ہے۔
وزیر اعظم نے مزید کہا کہ ڈاکٹر عارف علوی کے نزدیک آئین اور اپنے دفتر کے مطالبات سے زیادہ عمران نیازی اہمیت رکھتے ہیں۔