اطلاع ملی ہے کہ سب میٹر ریزولوشن کے ساتھ ترکیہ کے پہلے مقامی اور قومی مشاہداتی سیٹلائٹ IMECE کے لانچ آپریشن میں ایک بار پھر تاخیر ہوگئی ہے۔
TÜBİTAK (ترکی کی سائنسی اور تکنیکی تحقیقی کونسل) کی طرف سے دیے گئے بیان میں یہ کہا گیا ہے کہ SpaceX کمپنی، جو فالکن 9 راکٹ کے آپریشن کی ذمہ دار ہے اور جو IMECE سیٹلائٹ کو اس کے مدار میں لے جائے گی، نے آج لانچ کرننے کے عمل کے ممکن نہ ہونے سے آگاہ کیا ہے۔
بیان میں کہا گیا ہے کہ لانچ جسے 14 اپریل بروز جمعہ 09.48 پر کیا جانا تھا کو بعد میں کسی وقت لانچ کیا جائے گا۔
دوسری جانب اسپیس ایکس کے ٹوئٹر اکاؤنٹ پر پوسٹ میں کہا گیا کہ اضافی وقت ٹیموں کو پری لانچ چیک مکمل کرنے اور موسمی حالات کے بہتر ہونے کا موقع فراہم کرے گا۔
لانچ، جو کل صبح ہونے کا منصوبہ تھا، ایک دن کے لیے ملتوی کر دیا گیا تھا۔ اسپیس ایکس کے بیان میں کہا گیا کہ موسمی حالات کا مشاہدہ کرنے کے بعد ہی اس کے لانچ کرنے کی تاریخ کا اعلان کیا جائے گا۔
IMECE سیٹلائٹ کو 21 فروری کو امریکہ میں وینڈنبرگ اسپیس فورس بیس پر روانہ کیا گیا تھا۔
