ریاض: مسلم لیگ ن کے قائد اور سابق وزیر اعظم نواز شریف نے اپنی بیٹی کے ہمراہ عمرے کی سعادت حاصل کرلی۔
مسلم لیگ ن کے قائد اور اُن کی صاحبزادی سمیت دیگر کو شاہی خاندان کی جانب سے آخری عشرے میں شاہی مہمان کی حیثیت سے عمرہ ادائیگی کی دعوت دی گئی تھی۔
نواز شریف لندن سے سعودی عرب جبکہ مریم نواز سمیت خاندان کے دیگر افراد پاکستان سے دو روز قبل سعودی عرب پہنچے۔
یہ بڑے کرم کے ہیں فیصلے
یہ بڑے نصیب کی بات ہےقائد مسلم لیگ ن محمد نوازشریف کی خاندان کے ہمراہ بطور شاہی مہمان عمرہ کی ادائیگی pic.twitter.com/wllhFzrahv
— PMLN (@pmln_org) April 13, 2023
نواز شریف، مریم نواز سمیت اُن کے ساتھ شریک دیگر افراد نے شاہی پروٹوکول کے ساتھ عمرہ ادائیگی کی سعادت حاصل کی۔
اس کے علاوہ ایک روز قبل نائیجیریا کے صدر نے شاہی پروٹوکول میں عمرہ ادا کیا جبکہ برونائی کے سلطان حسنال بلکیہ نے ایک روز قبل روضہ رسول صلی اللہ علیہ والہ وسلم پر حاضری کی سعادت حاصل کی۔