ویتنام اور لاؤس جیسے جنوب مشرقی ایشیائی ممالک میں اپنی تاریخ کا سب سے زیادہ درجہ حرارت ریکارڈ کیا گیا ہے۔
6 مئی کو ویتنام کے ٹوونگ ڈونگ علاقے میں درجہ حرارت 44.2 ڈگریسینٹی گریڈ تک پہنچ گیا، جب کہ لاؤس کے پڑوسی شہر لوانگ پرابنگ میں تھرمامیٹر نے 43.5 ڈگری سسینٹی گریڈ دکھا رہے تھے۔
موسمی تاریخ دان میکسمیلیانو ہیریرا نے کہا ہے کہ یہ ویتنام میں اب تک کا سب سے زیادہ درجہ حرارت ہے۔
لاؤس میں گزشتہ ماہ سب سے زیادہ درجہ حرارت 42.7 ریکارڈ کیا گیا۔ ہیریرا نے بتایا کہ ہفتے کے آخر میں درجہ حرارت 43.5 ڈگریسینٹی گریڈ تک پہنچنے سے درجہ حرارت کا نیا ریکارڈ ٹوٹ گیا۔
جنوب مشرقی ایشیائی خطہ ہر سال اپریل اور مئی میں موسمی مون سون بارشوں کے آغاز سے پہلے سال کے گرم ترین موسم کا سامنا کرنا پڑتا ہے۔
آنے والے دنوں میں پورے خطے میں درجہ حرارت معمول پر آنے کی توقع ہے، لیکن تحقیق سے پتہ چلتا ہے کہ موسمیاتی بحران کے بڑھنے کے ساتھ ہی غیر معمولی موسمی حالات کا بھی سامنا کرنا پڑسکتا ہے۔