صدر رجب طیب ایردوان نے کہا، "آج ہم اپنی جمہوریہ تاریخ کے سب سے بڑی تعداد میں استاد کی تقرری کر رہے ہیں۔” کہا.
استنبول خلیج کنونشن سنٹر "45000 اساتذہ کی تقرری پروگرام” میں اپنی تقریر میں ایردوان نے کہا، "آپ کے تعاون سے ہم اگلے دور کو ترکیہ کی صدی بنائیں گے، اور ہم ترکیہ کی صدی کو تعلیم کی صدی میں بدل دیں گے۔ "
صدر ایردوان نے علاوہ ازیں 6 فروری کو پیش آنے والے زلزلے سے متاثرہ علاقوں کے حوالے سے بتایا کہ "ہم نے گزشتہ 3 ماہ میں زلزلہ زدہ علاقوں کے لیے بہت اہم اقدامات کیے ہیں۔ ہم نے ملبہ کو مکمل طور پر ہٹا دیا ہے۔ ہم نے8 لاکھ 37 ہزار خیموں کے ساتھ ساتھ 100 ہزار کنٹینرز کی تنصیب کا کام مکمل کر لیا ہے۔ ایک لاکھ 42 ہزار فلیٹوں اور گاوں کے مکانات کا سنگ بنیاد ڈالا گیا ہے۔ 3 لاکھ 19 ہزار فلیٹ امسال لوگوں کے حوالے کیے جائینگے جبکہ مجموعی طور پر ساڑھے6 لاکھ مکانات کی تعمیر کی جائیگی۔
انہوں نے بتایا کہ آج سے تقرری ہونے والے اساتذہ کا نصف زلزلی زدہ علاقوں میں خدمات ادا کرے گا۔
صدر ایردوان نے انسداد دہشت گردی کے حوالے سے کہا کہ عراق اور شام کے شمالی علاقہ جات کو دہشت گردوں سے مکمل طور پر نجات دلائی جائیگی۔
دوسری جانب ایردوان نے اپنی پارٹی (جسٹس اینڈ ڈیولپمنٹ پارٹی) کی گزشتہ روز استنبول ریلی کے حوالے سے اپنے سوشل میڈیا اکاؤنٹس میں لکھا ہے کہ "میں اپنے تمام بھائیوں اور بہنوں کا شکریہ ادا کرنا چاہوں گا جو ہمارے استنبول کے 39 اضلاع کے کونے کونے سے اتاترک ایئرپورٹ نیشنل گارڈن میں جمع ہوئے تھے۔ "
انہوں نے اپنی ایک دوسری پوسٹ میں لکھا ہے کہ ہم نے ابتک جیسے کہ محض عوام ہمراہ اپنے سفر کو طے کیا ہے آج اور کل بھی اسی پر عمل پیرا رہیں گے۔