تائیوان کے شہر نیو تائیپی کے ایک نرسری اسکول کے اساتذہ، بچوں کو نشہ آور کھانسی کے سیرپ پِلا کر خاموش کروانے کے الزام میں، تفتیشی کاروائی کا سامنا کر رہے ہیں۔
پولیس کا کہنا ہے کہ ابھی یہ بات واضح نہیں ہو سکی کہ اساتذہ نے بچوں کو فینو بارڈیٹل اور بینزوڈیازپنلر جیسی نشہ آور کھانسی کی ادویات کیوں پلائی ہیں۔
اسکینڈل کی وجہ سے بچوں کے والدین سرکاری عمارتوں کے سامنے احتجاجی مظاہرے کر رہے ہیں۔
اتوار کے دن ہزاروں افراد نے نیو تائیپی میں مظاہرہ کیا اور پولیس سے تفتیش کے دوران زیادہ شفاف ہونے کا مطالبہ کیا ہے۔
اس دوران جزیرے کے ایک اور شہر ‘کاوسیونگ’ کے ایک کلینک سے متعلق بھی مذکورہ سے مشابہہ دعوی سامنے آیا ہے۔
مقامی شعبہ صحت نے کلینک کے 4 ڈاکٹروں کو، تقریباً 20 بچوں پر اور غیر موزوں شکل میں، فینوبارڈیٹل دوا کے استعمال کا قصور وار ٹھہرایا ہے۔
ڈاکٹروں کے کلینک کو 6 ماہ کے لئے بند کر دیا گیا اور ڈاکٹروں کو 1،4 ملین تائیوان ڈالر کی سزا سنائی گئی ہے۔
واضح رہے کہ فینوبارڈیٹل دوا کو زیادہ تر مِرگی کے علاج میں یا پھر آپریشن سے قبل بیہوشی کے لئے استعمال کیا جاتا ہے اور یہ دوا عام فروخت نہیں کی جاتی۔
بینزوڈیازپنلر بھی پیچیدہ بے چینی کے علاج میں استعمال کی جانے والی اینٹی ڈپریشن دوا ہے۔