کراچی: شہر قائد میں عید کی چھٹیوں کے دنوں میں کسٹمز کے مال خانے سے کروڑوں روپے مالیت کی منشیات چوری ہوگئی۔
ایکسپریس نیوز کے مطابق عید کی چھٹیوں میں کراچی پورٹ کیماڑی میں قائم کسٹمز کے مال خانے سے کروڑوں روپے مالیت کی منشیات کی چوری کا انکشاف ہوا ہے۔
عید کی چھٹیوں کا فائدہ اٹھاتے ہوئے ملزمان مال خانے سے کئی کلو منشیات چرا لے جانے میں کامیاب رہے، چوری کی واردات اے ایس او ہیڈ آفس کراچی پورٹ کیماڑی کے مال خانے میں ہوئی۔
مال خانہ میں کسٹمز کی اینٹی اسمگلنگ آرگنائزیشن کی کارروائیوں میں پکڑی گئی منشیات رکھی تھی، چوری ہوئی منشیات میں آئس، ہیروئین، کوکین اور چرس شامل ہے۔