پاکستان میں مون سون کی موثر بارشوں کے باعث 25 جون سے 12 جولائی تک جان کی بازی ہارنے والوں کی تعداد 91 ہو گئی ہے۔
پاکستان کے نیشنل ڈیزاسٹر مینجمنٹ ایجنسی نے اعلان کیا ہے کہ مون سون کی بارشوں سے زخمی ہونے والوں کی تعداد 151 ہو گئی ہے۔
بیان میں کہا گیا کہ مذکورہ تاریخوں میں شدید بارشوں سے 99 مکانات کو نقصان پہنچا ہے۔
ڈان اخبار کی خبر کے مطابق صوبہ پنجاب کے علاقے قصور میں دریائے ستلج میں پانی بھرنے سے 15 دیہات سیلاب سے متاثر ہوئے ہیں ۔
سیلاب سے متاثرہ علاقوں سے 11 ہزار افراد کو محفوظ مقامات پر منتقل کر دیا گیا ہے۔
سیلاب کی تباہ کاریوں کی وجہ سے 4 دیہات میں بجلی منقطع ہوگئی ہے تاہم ان علاقوں میں کوئی جانی نقصان کی کوئی اطلاع نہیں ملی ہے۔
دوسری جانب دریائے چناب میں غیانی کے باعث پنجاب کے ضلع جھنگ کے 40 دیہات متاثر ہوئے ہیں۔
عوام کو علاقے میں سیلاب کے ممکنہ خطرے سے خبردار کردیا گیا ہے ۔
ہر سال جون سے ستمبر کے دوران ہونے والی مون سون کی بارشوں کے باعث پاکستان میں بڑے پیمانے پر نقصان پہنچتا ہے۔
پاکستان میں گزشتہ سال مون سون کی بارشوں کے باعث آنے والے سیلاب سے 1739 افراد ہلاک ہوئے تھے۔ ملک کو سیلاب کی تباہی کی وجہ سے 30 بلین ڈالر کا نقصان پہنچا ہے۔