صومالیہ کے دارالحکومت موغادیشو میں ایک فوجی تربیتی مرکز پرخود کش حملہ کیا گیا جس میں پچیس فوجی ہلاک ہو گئے۔
موغادیشو کے قصبے ہودان میں واقع جالہ صیاد نامی فوجی اکیڈمی پر آج صبح خود کش حملہ کیا گیا ۔
اس حملے میں پچیس فوجی ہلاک اور ساٹھ زخمی ہو گئے۔
زخمی فوجیوں کو موغا دیشو میں واقع رجب طیب ایردوان تحقیقاتی اسپتال میں داخل کروا دیا گیا ہے۔
اس حملے کی ذمے داری الشباب دہشتگرد تنظیم نے قبول کر لی ہے ۔
