پاکستان میں ملاوی کے ہائی کمشنر یونس کریم کی قیادت میں وفد نے اسلام آباد چیمبر آف کامرس اینڈ انڈسٹری کا دورہ کیا، وفد نے صدر ایوان صنعت و تجارت احسن بختاوری سے ملاقات کی اور دو طرفہ تجاری تعلقات کے فروغ پر اتفاق پر اتفاق کیا،اس موقع پر صدر آئی سی سی آئی احسن بختاوری کا کہنا تھا کہ ملاوی کے ساتھ تجارت سمیت مختلف شعبوں میں تعاون بڑھانا چاہتے ہیں۔
دونوں ملکوں میں زراعت سمیت مختلف شعبوں میں تعاون کو توسیع دینے کی گنجائش ہے،ہائی کمشنر وہاں کی مارکیٹ کے حوالے سے اسلام آباد کی بزنس کمیونٹی کو معلومات دیں،پرائیویٹ سطح پر وفود کے تبادلے سے دونوں ملکوں کے تجارتی تعلقات مزید مضبوط ہونگے ، آئی سی سی آئی کے آٹھ ہزار کے قریب ممبرزملاوی میں بزنس مواقع سے فائدہ اٹھانا چاہتے ہیں،اس موقع پر ہائی کمشنر یونس کریم ملاوی کا کہنا تھا کہ ملاوی پاکستان کے ساتھ دو طرفہ تعلقات کو مزید فروغ دینا چاہتا ہے،دونوں ملکوں کے درمیان لونگ ٹرم تعلقات کو وسیع تجارتی تعلقات میں بدلنا چاہتے ہیں۔