اقوام متحدہ نے ترکیہ کے تعاون سے پہلا ریڈیو تھراپی ڈیوائس شمال مغربی شام روانہ کیا ہے۔
اقوام متحدہ کے دفتر برائے رابطہ برائے انسانی امور (OCHA) نے اس معاملے پر ایک تحریری بیان جاری کیا ہے۔
بیان میں کہا گیا کہ شمال مغربی شام میں کینسر کے علاج کے لیے یہ ایک "بہت بڑا” قدم ہے کیونکہ خطے میں ریڈیو تھراپی کرنے کے آلات موجود نہیں تھے اور شامی کینسر کے مریضوں کو ترکیہ روانہ کیا جاتا تھا۔
بیان میں کہا گیا ہے کہ پہلا ریڈیو تھراپی آلہ شمال مغربی شام بھیج دیا گیا ہے۔ یہ اقدام اقوام متحدہ کے شراکت داروں اور ترک حکومت کے تعاون سے کیا گیا ہے۔ بیان میں کہا گیا کہ ڈیوائس میں روزانہ 40 ریڈیو تھراپی سیشن کرنے کی صلاحیت موجود ہے۔
بیان میں کہا گیا کہ یہ آلہ عفرین کے سب سے بڑے ہسپتال میں نصب کیا گیا ہے اور اس کی تنصیب مکمل ہونے کے بعد خطے میں کینسر کے ایک تہائی مریضوں کو علاج فراہم کیا جائے گا۔
بیان میں کہا گیا کہ فروری میں آنے والے زلزلوں کے بعد خطے میں کینسر کے کیسز میں اضافہ ہوا ہے جس کے لیے اس قسم کے آلات کی ضرورت محسوس کی جا رہی تھی۔
بیان میں کہا گیا ہے، ترک صحت کے حکام، تکنیکی ماہرین اور ماہر امراض چشم کے ساتھ مل کر 1 سال تک مشترکہ طور پر کام کریں گے اور اس دوارن شام کے طبی عملے کو تربیت دیں گے۔