مریم نواز اسلام آباد سے براستہ ایکسپریس وے مری پہنچ گئیں۔
ذرائع کے مطابق وزیرِ اعلیٰ پنجاب مریم نواز عید کے انتظامات کا جائزہ لینے مری پہنچی ہیں۔
ذرائع نے بتایا ہے کہ اس موقع پر سابق وزیراعظم و مسلم لیگ (ن) کے قائد نواز شریف بھی اپنی بیٹی مریم نواز کے ساتھ ہیں۔ نوازشریف اور مریم نواز اپنی رہائشگاہ باغِ شہیداں کشمیر پوائنٹ میں قیام کریں گے۔
وزیر علیٰ پنجاب نے عید تعطیلات پر سیاحوں کے لئے بہترین انتظامات کی ہدایت کر رکھی ہے جب کہ عید تعطیلات پر اب تک 22 ہزار سے زائد گاڑیاں مری میں داخل ہوچکی ہیں۔ اس لیے وہاں سٹی ٹریفک پولیس اور پنجاب پولیس کی اضافی نفری تعینات ہے۔