واشنگٹن: امریکا نے ایران پر واضح کرتے ہوئے کہا ہے کہ امریکا دمشق حملے میں ملوث نہیں ہے،ہم نہیں چاہتے کہ دمشق کے معاملے پر مزید تنازع پھیلے۔
میڈیا رپورٹس کے مطابق سیکریٹری وائٹ ہاؤس نے صحافیوں سے گفتگو کرتے ہوئے کہا ہے کہ
ایران دمشق حملے کو تنازع بڑھانے یا امریکی تنصیبات کے حملے کے بہانے کے طور پر استعمال نہ کرے۔
خیال رہے کہ امریکی صدر جوبائیڈن نے کہا تھا کہ اگر ایران نے اسرائیل پر حملہ کیا تو امریکا اسرائیل کے دفاع کے لیے کھڑا ہوگا، اسرائیل کو کسی صورت تنہا نہیں چھوڑیں گے۔
واضح رہے کہ اسرائیل نے دمشق میں حملہ کرکے ایرانی کمانڈر سمیت کئی سفارتکاروں کو شہیدکیا تھا، جس کے بعد ایران نے اسرائیل پر حملے کی دھمکی دی تھی اور کہا تھا کہ دنیا میں کہیں بھی اسرائیل کا سفارتخانہ موجود نہیں ہے۔
