پاکستان تحریک انصاف کے رہنما اور مشیر اطلاعات خیبر پختونخوا بیرسٹر سیف نے کہا ہے کہ بجلی چوری کے معاملے پر حکومت سے بات چیت کے لیے تیار ہیں۔
نجی ٹی وی سے گفتگو کے دوران مشیر اطلاعات خیبر پختونخوا بیرسٹر محمد علی سیف نے کہا کہ بجلی چوری وفاقی حکومت کی نااہلی ہے، بجلی چوری کے معاملے پر وفاق حکومت سے بات چیت کے لیے تیار ہیں۔
بیرسٹر سیف کا کہنا تھا کہ وفاقی وزیر کا اپنی نااہلی چھپانے کے لیے خیبر پختونخوا حکومت پر الزم لگانا نامناسب ہے، لگتا ہے وفاقی وزیرِ توانائی اویس لغاری کو اپنی ذمے داریوں کا پتہ ہی نہیں ، بجلی کی چوری ختم کرنا وفاقی حکومت کا کام ہے۔
انہوں نے مزید کہا کہ وزیرِ اعلیٰ خیبر پختونخوا علی امین گنڈاپور پہلے ہی تجویز دے چکے ہمارے بقایات بجلی بلز میں ایڈجسٹ کیے جائیں، بجلی کے خالص منافع کی مد میں بقایاجات ادائیگی کے بجائے ہم پر الزامات لگائے جا رہے ہیں۔
